Şarkı : Sevdiğim cânım yolunda hâke yek-sân olduğum

Sevdiğim cânım yolunda hâke yek-sân olduğum

Îddir çık nâz ile seyrâna kurbân olduğum

Ey benim aşkında bülbül gibi nâlân olduğum

Îddir çık nâz ile seyrâna kurbân olduğum

Cümle yârân sana uşşaak olduğun bilmez misin

Cümlenin taakatleri taak olduğun bilmez misin

Şimdi âlem sana müştaak olduğun bilmez misin

îddir çık nâz ile seyrâna kurbân olduğum

Gâhi Feyz-âbâd'a doğru azm edib eyle safa

Âsaf-âbâd'a gelüb gâhi salın ey meh-likaa

Gel hele gör sahn-ı Sa'd-âbâd'a hiç olmaz bahâ

Îddir çık nâz ile seyrâna kurbân olduğum

Kapladub gül-penbe şalı ferve-i semmûruna

Ol siyeh zülfü döküb ol sîne-i billuruna

Itr-ı şâhîler sürüb ol gerden-i kâfuruna

Îddir çık nâz ile seyrâna kurbân olduğum

Sen açıl gül gibi zâr ile hezâr olsun Nedim

Bend bend olsun ham-ı zülfün şikâr olsun

Nedîm Sen salın cânâ yolunda hâk-sâr olsun

Îddir çık nâz ile seyrâna kurban olduğum