Gel Ey Saki!..

Eylesin lâ'lini derman dil-i bîmâre meded

Dostlar işte ben öldüm bana bir çâre meded

Güher-i câmı yitürdük bizi gam öldürüyor

Sâkıyâ gel balıver kanda ise ara meded

İhtirâz etmediniz aldılar elden câmı

Vâkıf itmen sakınun kimseyi serâra meded

Zahm-ı sînemden okun parelerin hep alma

Dursun Allah'ı seversen hele bir pâre meded

Gice tenhâ işiği hâkine yüzler süreyin

Sakınun kimse haber virmesün agyâre meded

Mededin kalmadı feryâd ü figan eylemeğe

Sana kimden ire iy Bâkî-i bîçâre meded